કંગનાએ શેર કરેલી પોસ્ટમાં કંગના અને નરેન્દ્ર મોદી એક બીજા સાથે હાથ મીલાવી રહ્યાં હોય એવી તસ્વીર છે. અને કંગનાએ કેપ્શનમાં લખ્યું છે કે, “ખરેખર ધરતીના સૌથી તાકાતવાન માણસ છતા પણ આટલા નમ્ર.” આ કોઈ પહેલી વાર કંગનાએ આવું નથી કહ્યું. અગાઉ પણ અનેક વાર નરેન્દ્ર મોદીના ભરપુર વખાણ કરી ચુકી છે. મોદી પ્રત્યેનો આદર અને લગાવ કંગના પ્રદર્શિત કરતી જ રહે છે.

કંગનાનું ફેમિલી રાજકારણ સાથે જૂનો નાતો ધરાવે છે

કંગના તેના ફિલ્મો અને અભિનયને લઈને જેટલી ચર્ચા રહે છે એટલી જ ચર્ચા તેની સોશિયલ સાઈટ્સ પોસ્ટની થાય છે. છેલ્લા કેટલાક દિવસોમાં કંગનાને રાજકારણમાં રસ હોવાના સવાલ થયા હતા ત્યારે કંગનાએ એક્ટિગને તેનો પહેલો પ્રેમ કહીને બધાની બોલતી બંધ કરી દીધી હતી. જોકે કંગનાની પોસ્ટ અને નિડરતા, ચપળતા, ચાલાકી વાસ્તવમાં એક નેતાને શોભે એવા છે. ઉલ્લેખનીય છે કે કંગનાનું ફેમિલી રાજકારણ સાથે જૂનો નાતો ધરાવે છે. તેના દાદા15 વર્ષ સુધી કોંગ્રેસના MLA રહ્યા છે.